الزيت من اكتر المواد الغذائية الغنية بالسعرات الحرارية والى بيسبب زيادة كبيرة فى الوزن, لكن بعض الاكلات بنضطر لاستخدام كميات كبيرة من الزيت فى تحضيرها زى الباذنجان المقلى والقرنبيط او الزهرة المحمرة.
حاولت انى اغير طريقة طهو الباذنجان حتى لا يحتوى على كمية كبيرة من الزيت, لأننا عارفين ان الباذنجان المقلى بيشرب زيت بطريقة رهيبة , دهنت الباذنجان بزيت خفيف ودخلته الفرن عشان يتحمر لكنه نشف جدا وكان طعمه مش كويس وحاولت انى اشوى الباذنجان بدلا من قليه وكان طعمه كويس كتغيير لكنى لم احبه مثل المقلى .
وبعد ابحاث كثيرة على النت وسؤال بعض المطاعم وتجربة اكثر من طريقة توصلت لطريقة تقلل الزيت الى بيشربه الباذنجان لأقل كمية ممكنة:
اولا : نحاول اننا نستخدم الباذنجان البلدى مش الرومى لأنه مش بيمتص كمية كبيرة من الزيت
ثانيا: نقطع الباذنجان بقشره قطع طولية كبيرة , يعنى الواحدة الصغيرة قطعتين بس بالطول والمتوسطة اربع قطع اما الكبيرة فنحاول تقطيع الشرايح بالطول . السبب اننا مش هنقشر الباذنجان لأن الجانب الى هيكون فيه قشرة مش هيشرب زيت تقريبا, اما السبب فى تقطيع الباذنجان قطع كبيرة فهو تقليل مساحة السطح المعرضة للزيت وبالتالى تقليل الكمية الممتصة وكمان التقطيع الطولى بيقلل امتصاص الزيت بشكل اكبر من التقطيع العرضى.ولو تقدرى انك تقلى الباذنجان الصغير بقشره من غير تقطيع خالص يعنى الباذنجانة كاملة , او حتى كاملة لكن متقشرة ده كمان بيكون طعمه قريب جدا من المقلى ومش بيشرب زيت وما تخافيش بيستوى.
ثالثا: بعد تقطيع الباذنجان بنرش عليه كمية كافية من الملح ونتركه فى الملح على اد ما نقدر, يعنى من 3 ل4 ساعات او اكثر حسب وقتك, لحد ماينزل المياه الموجودة فيه بعدين بنشطفه من الملح.
رابعا : نجيب كمية وفيرة من الزيت ونسخنه كويس جدا قبل ما نحط الباذنجان وبعد ما نطلعه بنسيبه فى مصفاة لحد ما ينزل منه الزيت الزايد ,وخلوا بالكم كمية الزيت لوكانت قليلة او باردة الباذنجان بيشربها.
بالنسبة للقرنبيط او الزهرة فالشىء الوحيد الى ممكن نعمله اننا نعمل عجينة مكونة من البيض والدقيق والشبت والكسبرة والبهارات ونحاول نخليها تقيلة شوية , ونستخدم قطع كبيرة نسبيا من القرنبيط, ونستخدم كمية كافية من الزيت ونسخنها كويس بحيث اننا اول ما نضع القرنبيط فى الزيت تتكون قشرة تمنعه من انه يمتص كمية كبيرة من الزيت, وخلوا بالكم استعمال البيض لوحده او مع كمية بسيطة من الدقيق بحيث تكون الخلطة خفيفة بتعطى فرصة للقرنبيط انه يمتص كمية كبيرة من الزيت.
وبالهنا والشفا.
حاولت انى اغير طريقة طهو الباذنجان حتى لا يحتوى على كمية كبيرة من الزيت, لأننا عارفين ان الباذنجان المقلى بيشرب زيت بطريقة رهيبة , دهنت الباذنجان بزيت خفيف ودخلته الفرن عشان يتحمر لكنه نشف جدا وكان طعمه مش كويس وحاولت انى اشوى الباذنجان بدلا من قليه وكان طعمه كويس كتغيير لكنى لم احبه مثل المقلى .
وبعد ابحاث كثيرة على النت وسؤال بعض المطاعم وتجربة اكثر من طريقة توصلت لطريقة تقلل الزيت الى بيشربه الباذنجان لأقل كمية ممكنة:
اولا : نحاول اننا نستخدم الباذنجان البلدى مش الرومى لأنه مش بيمتص كمية كبيرة من الزيت
ثانيا: نقطع الباذنجان بقشره قطع طولية كبيرة , يعنى الواحدة الصغيرة قطعتين بس بالطول والمتوسطة اربع قطع اما الكبيرة فنحاول تقطيع الشرايح بالطول . السبب اننا مش هنقشر الباذنجان لأن الجانب الى هيكون فيه قشرة مش هيشرب زيت تقريبا, اما السبب فى تقطيع الباذنجان قطع كبيرة فهو تقليل مساحة السطح المعرضة للزيت وبالتالى تقليل الكمية الممتصة وكمان التقطيع الطولى بيقلل امتصاص الزيت بشكل اكبر من التقطيع العرضى.ولو تقدرى انك تقلى الباذنجان الصغير بقشره من غير تقطيع خالص يعنى الباذنجانة كاملة , او حتى كاملة لكن متقشرة ده كمان بيكون طعمه قريب جدا من المقلى ومش بيشرب زيت وما تخافيش بيستوى.
ثالثا: بعد تقطيع الباذنجان بنرش عليه كمية كافية من الملح ونتركه فى الملح على اد ما نقدر, يعنى من 3 ل4 ساعات او اكثر حسب وقتك, لحد ماينزل المياه الموجودة فيه بعدين بنشطفه من الملح.
رابعا : نجيب كمية وفيرة من الزيت ونسخنه كويس جدا قبل ما نحط الباذنجان وبعد ما نطلعه بنسيبه فى مصفاة لحد ما ينزل منه الزيت الزايد ,وخلوا بالكم كمية الزيت لوكانت قليلة او باردة الباذنجان بيشربها.
بالنسبة للقرنبيط او الزهرة فالشىء الوحيد الى ممكن نعمله اننا نعمل عجينة مكونة من البيض والدقيق والشبت والكسبرة والبهارات ونحاول نخليها تقيلة شوية , ونستخدم قطع كبيرة نسبيا من القرنبيط, ونستخدم كمية كافية من الزيت ونسخنها كويس بحيث اننا اول ما نضع القرنبيط فى الزيت تتكون قشرة تمنعه من انه يمتص كمية كبيرة من الزيت, وخلوا بالكم استعمال البيض لوحده او مع كمية بسيطة من الدقيق بحيث تكون الخلطة خفيفة بتعطى فرصة للقرنبيط انه يمتص كمية كبيرة من الزيت.
وبالهنا والشفا.
0 comments:
إرسال تعليق